अजेन ब्रह्मणा गम्यते इति । 'अन्येष्वपि दृश्यते (वा० ३.२.४८) इति ङः । अजं छागं गच्छति यज्ञत्वेन प्रविशतीति वा । अजगो विष्णुरस्ति शरत्वेनास्मिन्निति । गाण्ड्यजगात्संज्ञायाम् ' (५.२.११०) इति व: ।। प्रज्ञादित्वात् (५.४.३८) अणि 'आजगवम्’ अपि । ‘आजगवमजस्य वा पिनाकं वा’ इति बोपालितः । ‘स्थाणोर्धनुराजगवम्' इत्यमरमाला च । अजो विष्णुः, को ब्रह्मा, ताववतीति अजकावम्’ अपि ’धनुस्त्वजगवं युग्यमजकावमजीजकम् इति शब्दार्णवात् । अजकौ विष्णुब्रह्माणौ वातीति ‘अजकवम्' अपि । ‘सुपि’ (३.२.४) इति (योगविभागात्) 'आतोऽनुपसगे-'(३.२.३) इति वा क: ।।