अमरकोशः

श्लोकः

शाकाख्यं पत्रपुष्पादि तण्डुलीयोल्पमारिषः । विशल्याऽग्निशिखाऽनन्ता फलिनी शक्रपुष्प्यपि ॥ १३६ ॥

शब्दसङ्ख्या	प्रातिपदिकम्	प्रथमान्तःशब्दः	लिङ्गम्	व्युत्पत्तिः	प्रत्ययः/ समासनाम	वृत्तिः/शब्दप्रकारः	किमन्तः शब्दः
1	शाक	शाकम्	नपुंसकलिङ्गः	शक्यते भोक्तुम् ।	घञ्	कृत्	अकारान्तः
2	तण्डुलीय	तण्डुलीयः	पुंलिङ्गः	तण्डुलाय हितः ।	छ	तद्धितः	अकारान्तः
3	अल्पमारिष	अल्पमारिषः	पुंलिङ्गः	अल्पश्चासौ मारिषश्च ॥	तत्पुरुषः	समासः	अकारान्तः
4	विशल्या	विशल्या	स्त्रीलिङ्गः	विगतं शल्यमनया ।	बहुव्रीहिः	समासः	आकारान्तः
5	अग्निशिखा	अग्निशिखा	स्त्रीलिङ्गः	अग्नेरिव शिखा संतापो यस्याः ।	बहुव्रीहिः	समासः	आकारान्तः
6	अनन्ता	अनन्ता	स्त्रीलिङ्गः	न अन्तो यस्याः ॥	बहुव्रीहिः	समासः	आकारान्तः
7	फलिनी	फलिनी	स्त्रीलिङ्गः	फलानि सन्त्यस्याः ।	इनि	तद्धितः	ईकारान्तः
8	शक्रपुष्पी	शक्रपुष्पी	स्त्रीलिङ्गः	शक्रोऽर्जुनतरु: पुष्पमस्याः ।	बहुव्रीहिः	समासः	ईकारान्तः