स्थामन्म्

सुधाव्याख्या

तिष्ठत्यनेन । 'सर्वधातुभ्यो मनिन्' (उ० ४.१४५) -'आतो मनिन्-’ (३.२.७५) इति मुकुटस्तु चिन्त्यः । तस्य कर्तरि विधानात् ॥

प्रक्रिया

धातुः -


ष्ठा गतिनिवृत्तौ
स्था	- धात्वादेः षः सः 6.1.64, निमित्तापाये नैमित्तिकस्याप्यपायः ।
स्था + मनिन्	– सर्वधातुभ्यो मनिन् (४.१४५) । उणादिसूत्रम् ।
स्था + मन्	- हलन्त्यम् 1.3.3, उपदेशेऽजनुनासिक इत् 1.3.2, तस्य लोपः 1.3.9
स्थामन् + सु	- स्वौजसमौट्छष्टाभ्याम्भिस्ङेभ्याम्भ्यस्ङसिभ्याम्भ्यस्ङसोसाम्ङ्योस्सुप्‌ 4.1.2
स्थामन् + स्	- उपदेशेऽजनुनासिक इत् 1.3.2, तस्य लोपः 1.3.9
स्थामन्	- हल्ङ्याब्भ्यो दीर्घात्‌ सुतिस्यपृक्तं हल् 6.1.68
स्थाम	- नलोपः प्रातिपदिकान्तस्य 8.2.7