तदिति । कोषकाराद्या आदिना गृह्यन्ते । ‘इक्षुः कर्कटको वंशः कान्तारो वेणुनिसृतः । इक्षुरन्यः पौण्डृकश्च रसालः सुकुमारकः' । पुण्ड्यन्ते । ‘पुडि खण्डने' (भ्वा० प० से०) । ‘स्फायी-' (उ० २.१३) इत्यादिना रक् ॥ प्रज्ञाद्यणि (५.४.३८) । पौण्ड्रः । ‘पुण्ड्रेक्षौ पुण्डुकः सेव्यः पौण्डृकोतिरसो मधुः' इति वाचस्पतिः । ‘पुण्ड्रो दैत्यविशेषेक्षु भेदयोरतिमुक्तके । (चित्रे कृमौ पुण्डरीके पुंभूम्नि नीवृदन्तरे । (इति मेदिनी) ॥