सद्म

सुधाव्याख्या

सीदन्त्यत्र । ‘षद्लृ विशरणादौ’ (भ्वा० तु० प० अ०) । मनिन् (उ० ४.१४५) । ('सद्म स्यान्मन्दिरे नीरे’ इति मेदिनी) ॥

प्रक्रिया


सद्	- धात्वादेः षः सः 6.1.64, उपदेशेऽजनुनासिक इत् 1.3.2, तस्य लोपः 1.3.9
सद् + मनिन्	– सर्वधातुभ्यो मनिन् । उणादि (4.145)
सद् + मन्	- हलन्त्यम् 1.3.3, उपदेशेऽजनुनासिक इत् 1.3.2, तस्य लोपः 1.3.9
सद्मन् + सु	- स्वौजसमौट्छष्टाभ्याम्भिस्ङेभ्याम्भ्यस्ङसिभ्याम्भ्यस्ङसोसाम्ङ्योस्सुप्‌ 4.1.2
सद्मन् + स्	- उपदेशेऽजनुनासिक इत् 1.3.2, तस्य लोपः 1.3.9
सद्मन्	- हल्ङ्याब्भ्यो दीर्घात्‌ सुतिस्यपृक्तं हल् 6.1.68
सद्म	- नलोपः प्रातिपदिकान्तस्य 8.2.7