तेलति । तिल गतौ (प० से०) भ्वादिः । तिलति । तिल स्नेहने' (प० से०) तुदादिः । तिल इदुक् च' इति स इदुगागमश्च इति मुकुटः । तन्न । उज्ज्वलदत्तादिषूक्तसूत्राभावात् तेलनम् । तिल् । सम्पदादिक्विप् । (वा० ३.३.१०८) तिलमेति । 'इण् गतौ' (अ० प० अ०) । क्विप् (३.२.१७८) । तुक् (६.१.७१ ) । तिलित् । तिलितं स्यति । 'षोऽन्तकर्मणि' (दि० प० अ०) । कः (३.२.३) । यद्वा तेलनम् । तिलिः । कृष्यादित्वात् (वा० ३.३.१०८) इक् । तिलिं गतिं त्सरति । ‘त्सर छद्मगतौ (भ्वा० प० से०) । अन्येभ्योऽपि' (वा० ३.२.१०२) इति ड: । 'गोनसी मण्डली वोडः’ इति तु विक्रमादित्यः ।