सुपर्वाणः

सुधाव्याख्या

सुष्ठु पर्व अमावास्यादिचरितम्, अङ्गुल्यादिग्रन्थिः, उत्सवो वा येषां सुपर्वाणः । ‘सुपर्वा ना शरे वंशे पर्वधूमसुरेषु च' ।

प्रक्रिया


सु+पॄ+वनिप्	- स्नामदिपद्यर्तिपॄशकिभ्यो वनिप् 4.112 । उणादिसूत्रम् ।
सुपॄ+वन्	- हलन्त्यम् 1.3.3, उपदेशेऽजनुनासिक इत् 1.3.2, तस्य लोपः 1.3.9
सुपर्वन्	- सार्वधातुकार्धधातुकयोः 7.3.84
सुपर्वन्+जस्	- स्वौजसमौट्छष्टाभ्याम्भिस्ङेभ्याम्भ्यस्ङसिभ्याम्भ्यस्ङसोसाम्ङ्योस्सुप्‌ 4.1.2
सुपर्वन्+जस्	- सुडनपुंसकस्य 1.1.43
सुपर्वन्+अस्	- चुटू 1.3.7, तस्य लोपः 1.3.9
सुपर्वान्+अस्	- सर्वनामस्थाने चासम्बुद्धौ 6.4.8
सुपर्वाण्+अस्	- अट्कुप्वाङ्नुम्व्यवायेऽपि 8.4.2
सुपर्वाण्+अरु	- ससजुषो रुः 8.2.66
सुपर्वाण्+अर्	- उपदेशेऽजनुनासिक इत् 1.3.2, तस्य लोपः 1.3.9
सुपर्वाणः	- खरवसानयोर्विसर्जनीयः 8.3.15