अमरकोशः

श्लोकः

खलपूः स्याद्बहुकरो दीर्घसूत्रश्चिरक्रियः । जाल्मोऽसमीक्ष्यकारी स्यात्कुण्ठो मन्दः क्रियासु यः ॥ १७ ॥

शब्दसङ्ख्या	प्रातिपदिकम्	प्रथमान्तःशब्दः	लिङ्गम्	व्युत्पत्तिः	प्रत्ययः/ समासनाम	वृत्तिः/शब्दप्रकारः	किमन्तः शब्दः
1	खलपू	खलपू	पुंलिङ्गः, स्त्रीलिङ्गः, नपुंसकलिङ्गः	खलं पुनाति ।	क्विप्	कृत्	ऊकारान्तः
2	बहुकर	बहुकरः	पुंलिङ्गः, स्त्रीलिङ्गः, नपुंसकलिङ्गः	बहु करोति, भुवं सम्मार्ष्टि ।	अच्	कृत्	अकारान्तः
3	दीर्घसूत्र	दीर्घसूत्रः	पुंलिङ्गः, स्त्रीलिङ्गः, नपुंसकलिङ्गः	दीर्घं सूत्रं व्यवस्था यस्य ॥	बहुव्रीहिः	समासः	अकारान्तः
4	चिरक्रिय	चिरक्रियः	पुंलिङ्गः, स्त्रीलिङ्गः, नपुंसकलिङ्गः	चिरा क्रिया यस्य ॥	बहुव्रीहिः	समासः	अकारान्तः
5	जाल्म	जाल्मः	पुंलिङ्गः, स्त्रीलिङ्गः, नपुंसकलिङ्गः	जालयति, जाल्यते वा ।	मः	बाहुलकात्	अकारान्तः
6	असमीक्ष्यकारिन्	असमीक्ष्यकारिन्	पुंलिङ्गः, स्त्रीलिङ्गः, नपुंसकलिङ्गः	असमीक्ष्याविचार्यं कर्तुं शीलमस्य ।	णिनि	कृत्	नकारान्तः
7	कुण्ठ	कुण्ठः	पुंलिङ्गः, स्त्रीलिङ्गः, नपुंसकलिङ्गः	कुण्ठति ।	अच्	कृत्	अकारान्तः