अमरकोशः

श्लोकः

व्याधो मृगवधाजीवो मृगयुर्लुब्धकोऽपि सः । कौलेयकः सारमेयः कुक्कुरो मृगदंशक: ॥ २१ ॥

शब्दसङ्ख्या	प्रातिपदिकम्	प्रथमान्तःशब्दः	लिङ्गम्	व्युत्पत्तिः	प्रत्ययः/ समासनाम	वृत्तिः/शब्दप्रकारः	किमन्तः शब्दः
1	व्याध	व्याधः	पुंलिङ्गः	व्येति । विध्यति ।	ण	कृत्	अकारान्तः
2	मृगवधाजीव	मृगवधाजीवः	पुंलिङ्गः	मृगवधेनाजीवति ।	क	कृत्	अकारान्तः
3	मृगयु	मृगयुः	पुंलिङ्गः	मृगान् वधार्थे याति ।	कु	उणादिः	उकारान्तः
4	लुब्धक	लुब्धकः	पुंलिङ्गः	लुभ्यते स्म ।	क्त	कृत्	अकारान्तः
5	कौलेयक	कौलेयकः	पुंलिङ्गः	कुले भवः ।	ढकञ्	तद्धितः	अकारान्तः
5	सारमेय	सारमेयः	पुंलिङ्गः	सरमाया अपत्यम् ।	ढक्	तद्धितः	अकारान्तः
7	कुक्कुर	कुक्कुरः	पुंलिङ्गः	कुक् चासौ कुरश्च ।	तत्पुरुषः	समासः	अकारान्तः
8	मृगदंशक	मृगदंशकः	पुंलिङ्गः	मृगान् दशति ।	अण्	कृत्	अकारान्तः