अमरकोशः

श्लोकः

शैलालिनस्तु शैलूषा जायाजीवाः कृशाश्विनः । भरता इत्यपि नटाश्चारणास्तु कुशीलवाः ॥ १२ ॥

शब्दसङ्ख्या	प्रातिपदिकम्	प्रथमान्तःशब्दः	लिङ्गम्	व्युत्पत्तिः	प्रत्ययः/ समासनाम	वृत्तिः/शब्दप्रकारः	किमन्तः शब्दः
1	शैलालिन्	शैलालिनः	पुंलिङ्गः	शिलादिना प्रोक्तं नटसूत्रमधीयते ।	णिनि	तद्धितः	नकारान्तः
2	शैलूष	शैलूषः	पुंलिङ्गः	शिलूषस्य ऋषेरपत्यम् ।	अण्	तद्धितः	अकारान्तः
3	जायाजीव	जायाजीवः	पुंलिङ्गः	जायया जीवन्ति ।	क	कृत्	अकारान्तः
4	कृशाश्चिन्	कृशाश्चिनः	पुंलिङ्गः	कृशाश्वेन प्रोक्तं नटसूत्रमधीयते ।	इनि	तद्धितः	नकारान्तः
5	भरत	भरताः	पुंलिङ्गः	भरतस्य मुनेः शिष्याः ।	अण्	तद्धितः	अकारान्तः
6	नट	नटाः	पुंलिङ्गः	नटति ।	अच्	कृत्	अकारान्तः
7	चारण	चारणाः	पुंलिङ्गः	चारयन्ति कीर्तिम् ।	ल्यु	कृत्	अकारान्तः
8	कुशीलव	कुशीलवाः	पुंलिङ्गः	कुत्सितं शीलमस्त्येषाम् ।	क	कृत्	अकारान्तः