अमरकोशः

श्लोकः

अमांसो दुर्बलश्छातो बलवान्मांसलोंऽसलः । तुन्दिलस्तुन्दिकस्तुन्दी बृहत्कुक्षि: पिचिण्डिलः ॥ ४४ ॥

शब्दसङ्ख्या	प्रातिपदिकम्	प्रथमान्तःशब्दः	लिङ्गम्	व्युत्पत्तिः	प्रत्ययः/ समासनाम	वृत्तिः/शब्दप्रकारः	किमन्तः शब्दः
1	अमांस	अमांसः	पुंलिङ्गः	न अल्पं मांसमस्य अल्पार्थं नञ् ॥	तत्पुरुषः	समासः	अकारान्तः
2	दुर्बल	दुर्बलः	पुंलिङ्गः	दुष्टं बलमस्य ॥	बहुव्रीहिः	समासः	अकारान्तः
3	छात	छातः	पुंलिङ्गः	छयति स्म ।	क्त	कृत्	अकारान्तः
4	बलवत्	बलवत्	पुंलिङ्गः	बलमस्यास्ति ।	मतुप्	तद्धितः	तकारान्तः
5	मांसल	मांसलः	पुंलिङ्गः	मांसमस्त्यस्य ।	लच्	तद्धितः	अकारान्तः
6	अंसल	अंसलः	पुंलिङ्गः	अंसोऽस्यास्ति ।	लच्	तद्धितः	अकारान्तः
7	तुन्दिल	तुन्दिलः	पुंलिङ्गः	अतिशयितं तुन्दमुदरमस्य ।	इलच्	तद्धितः	अकारान्तः
8	तुन्दिक	तुन्दिकः	पुंलिङ्गः	अतिशयितं तुन्दमुदरमस्य ।	ठन्	तद्धितः	अकारान्तः
9	तुन्दिन्	तुन्दी	पुंलिङ्गः	अतिशयितं तुन्दमुदरमस्य ।	इनि	तद्धितः	नकारान्तः
10	बृहत्कुक्षि	बृहत्कुक्षि	पुंलिङ्गः	बृहन् कुक्षिरस्य ॥	बहुव्रीहिः	समासः	इकारान्तः
11	पिचिण्डिल	पिचिण्डिलः	पुंलिङ्गः	अतिशयितं पिचिण्डमुदरमस्य ।	इलच्	तद्धितः	अकारान्तः