क्लीबे सारसनं चाथ पुंस्कट्यां शृङ्खलं त्रिषु । पादाङ्गदं तुलाकोटिर्मञ्जीरो नूपुरोऽस्त्रियाम् ॥ १०९ ॥
शब्दसङ्ख्या | प्रातिपदिकम् | प्रथमान्तःशब्दः | लिङ्गम् | व्युत्पत्तिः | प्रत्ययः/ समासनाम | वृत्तिः/शब्दप्रकारः | किमन्तः शब्दः |
---|---|---|---|---|---|---|---|
1 | सारसन | सारसनम् | नपुंसकलिङ्गः | सारमुत्कृष्टं सनमस्य । | बहुव्रीहिः | समासः | अकारान्तः |
2 | शृङ्खल | शृङ्खलः | पुंलिङ्गः, स्त्रीलिङ्गः, नपुंसकलिङ्गः | शृङ्गैः खलति । | अच् | कृत् | अकारान्तः |
3 | पादाङ्गद | पादाङ्गदम् | नपुंसकलिङ्गः | पादस्याङ्गदमिव । | तत्पुरुषः | समासः | अकारान्तः |
4 | तुलाकोटि | तुलाकोटिः | पुंलिङ्गः | तुलां तुलया वा कोटयति । | इ | उणादिः | इकारान्तः |
5 | मञ्जीर | मञ्जीरः | पुंलिङ्गः, नपुंसकलिङ्गः | ‘मजि ध्वनौ’ सौत्रः । | ईरन् | बाहुलकात् | अकारान्तः |
6 | नूपुर | नूपुरः | पुंलिङ्गः, नपुंसकलिङ्गः | नुवनम्’ नूयते, वा । | क | कृत् | अकारान्तः |