अमरकोशः

श्लोकः

समूहनिवहव्यूहसन्दोहविसरव्रजाः । स्तोमौघनिकरव्रातवारसङ्घातसञ्चयाः ॥ ३९ ॥

शब्दसङ्ख्या	प्रातिपदिकम्	प्रथमान्तःशब्दः	लिङ्गम्	व्युत्पत्तिः	प्रत्ययः/ समासनाम	वृत्तिः/शब्दप्रकारः	किमन्तः शब्दः
1	समूह	समूहः	पुंलिङ्गः	समूह्यते ।	घञ्	कृत्	अकारान्तः
2	निवह	निवहः	पुंलिङ्गः	नितरामुह्यते ।	घ	कृत्	अकारान्तः
3	व्यूह	व्यूहः	पुंलिङ्गः	व्यूह्यते ।	घञ्	कृत्	अकारान्तः
4	संदोह	संदोहः	पुंलिङ्गः	संदुह्यते ।	घञ्	कृत्	अकारान्तः
5	विसर	विसरः	पुंलिङ्गः	विसरति ।	अच्	कृत्	अकारान्तः
6	व्रज	व्रजः	पुंलिङ्गः	व्रजति ।	अच्	कृत्	अकारान्तः
7	स्तोम	स्तोमः	पुंलिङ्गः	स्तूयते ।	मन्	उणादिः	अकारान्तः
8	ओघ	ओघः	पुंलिङ्गः	आ उह्यतेऽनेन ।	घञ्	कृत्	अकारान्तः
9	निकर	निकरः	पुंलिङ्गः	निकीर्यते ।	अप्	कृत्	अकारान्तः
10	व्रात	व्रातः	पुंलिङ्गः	व्रत्यते नियम्यते ।	घञ्	कृत्	अकारान्तः
11	वार	वारः	पुंलिङ्गः	वार्यते आच्छाद्यतेऽनेन ।	घ	कृत्	अकारान्तः
12	संघात	संघातः	पुंलिङ्गः	संहन्यते ।	घञ्	कृत्	अकारान्तः
13	संचय	संचयः	पुंलिङ्गः	संचीयते ।	एरच्	कृत्	अकारान्तः