अमरकोशः

श्लोकः

प्लवगोपुरगोनर्दकैवर्तीमुस्तकानि च । ग्रन्थिपर्णं शुकं बर्हिपुष्पं स्थौणेयकुक्कुरे ॥ १३२ ॥

शब्दसङ्ख्या	प्रातिपदिकम्	प्रथमान्तःशब्दः	लिङ्गम्	व्युत्पत्तिः	प्रत्ययः/ समासनाम	वृत्तिः/शब्दप्रकारः	किमन्तः शब्दः
1	प्लव	प्लवम्	नपुंसकलिङ्गः	प्लवते ।	अच्	कृत्	अकारान्तः
2	गोपुर	गोपुरम्	नपुंसकलिङ्गः	गां जलं पिपर्ति।	क	कृत्	अकारान्तः
3	गोनर्ध	गोनर्धम्	नपुंसकलिङ्गः	गां जलं नर्दयति ।	अण्	कृत्	अकारान्तः
4	कैवर्तीमुस्तक	कैवर्तीमुस्तकम्	नपुंसकलिङ्गः	कैवर्तानां जातिः कैवर्ती ।	तत्पुरुषः	समासः	अकारान्तः
5	ग्रन्थिपर्ण	ग्रन्थिपर्णम्	नपुंसकलिङ्गः	ग्रन्थौ पर्णान्यस्य ।	बहुव्रीहिः	समासः	अकारान्तः
6	शुक	शुकम्	नपुंसकलिङ्गः	शोचति ।	कक्	उणादिः	अकारान्तः
7	बर्हिपुष्प	बर्हिपुष्पम्	नपुंसकलिङ्गः	बर्हं पत्त्रं प्रशस्तमस्य ।	इनि	तद्धितः	अकारान्तः
8	स्थौणेय	स्थौणेयम्	नपुंसकलिङ्गः	स्थूणाया अपत्यम् ।	ढक्	तद्धितः	अकारान्तः
9	कुक्कुर	कुक्कुरम्	नपुंसकलिङ्गः	कुक्कुरोऽस्यास्ति ।	अच्	तद्धितः	अकारान्तः