अमरकोशः

श्लोकः

पुनर्नवा तु शोथघ्नी वितुन्नं सुनिषण्णकम् । स्याद्वातक: शीतलोऽपराजिता शणपर्ण्यपि ॥ १४९ ॥

शब्दसङ्ख्या	प्रातिपदिकम्	प्रथमान्तःशब्दः	लिङ्गम्	व्युत्पत्तिः	प्रत्ययः/ समासनाम	वृत्तिः/शब्दप्रकारः	किमन्तः शब्दः
1	पुनर्नवा	पुनर्नवा	स्त्रीलिङ्गः	पुनरभीक्ष्णं नवा ।	बहुव्रीहिः	समासः	आकारान्तः
2	शोथघ्नी	शोथघ्नी	स्त्रीलिङ्गः	शोथं हन्ति ।	टक्	कृत्	ईकारान्तः
3	वितुन्न	वितुन्नम्	नपुंसकलिङ्गः	विगतं तुन्नं व्यथनमस्मात् ।	बहुव्रीहिः	समासः	अकारान्तः
4	सुनिषण्णक	सुनिषण्णकम्	नपुंसकलिङ्गः	सुष्ठः निषण्णमस्मात् ॥	बहुव्रीहिः	समासः	अकारान्तः
5	वातक	वातकः	पुंलिङ्गः	वातं करोति	ड	कृत्	अकारान्तः
6	शीतल	शीतलः	पुंलिङ्गः	शीतं लाति ।	क	कृत्	अकारान्तः
7	अपराजिता	अपराजिता	स्त्रीलिङ्गः	न पराजिता ।	तत्पुरुषः	समासः	आकारान्तः
8	शणपर्णी	शणपर्णी	स्त्रीलिङ्गः	शणः पर्णान्यस्याः।	बहुव्रीहिः	समासः	ईकारान्तः