अमरकोशः

श्लोकः

भास्वद्विवस्वत्सप्ताश्वहरिदश्वोष्णरश्मयः । विकर्तनार्कमार्तण्डमिहिरारुणपूषणः ॥ २९ ॥

शब्दसङ्ख्या	प्रातिपदिकम्	प्रथमान्तःशब्दः	लिङ्गम्	व्युत्पत्तिः	प्रत्ययः/ समासनाम	वृत्तिः/शब्दप्रकारः	किमन्तः शब्दः
1	भास्वत्	भास्वान्	पुंलिङ्गः	भासः सन्त्यस्य ।	मतुप्	तद्धितः	तकारान्तः
2	विवस्वत्	विवस्वान्	पुंलिङ्गः	विविधं वस्ते आच्छादयति ।	मतुप्	तद्धितः	तकारान्तः
3	सप्ताश्व	सप्ताश्वः	पुंलिङ्गः	सप्ताश्वा यस्य ।	बहुव्रीहिः	समासः	अकारान्तः
4	हरिदश्व	हरिदश्वः	पुंलिङ्गः	हरितोऽश्वा यस्य ।	बहुव्रीहिः	समासः	अकारान्तः
5	उष्णरश्मि	उष्णरश्मिः	पुंलिङ्गः	उष्ण रश्मयोऽस्या ।	बहुव्रीहिः	समासः	इकारान्तः
6	विकर्तन	विकर्तनः	पुंलिङ्गः	विशेषेण कर्तनं यस्य ।	बहुव्रीहिः	समासः	अकारान्तः
7	अर्क	अर्कः	पुंलिङ्गः	अर्च्यते ।	घञ्	कृत्	अकारान्तः
8	मार्तण्ड	मार्तण्डः	पुंलिङ्गः	मृतेऽण्डे भवः ।	अण्	तद्धितः	अकारान्तः
9	मिहिर	मिहिरः	पुंलिङ्गः	मेहति ।	किरच्	उणादिः	अकारान्तः
10	अरुण	अरुणः	पुंलिङ्गः	ऋच्छति ।	उनन्	उणादिः	अकारान्तः
11	पूषन्	पूषन्	पुंलिङ्गः	पुष्णाति ।	कनिन्	उणादिः	नकारान्तः