अमरकोशः

श्लोकः

कालिन्दी सूर्यतनया यमुना शमनस्वसा । रेवा तु नर्मदा सोमोद्भवा मेकलकन्यका ॥ ३२ ॥

शब्दसङ्ख्या	प्रातिपदिकम्	प्रथमान्तःशब्दः	लिङ्गम्	व्युत्पत्तिः	प्रत्ययः/ समासनाम	वृत्तिः/शब्दप्रकारः	किमन्तः शब्दः
1	कालिन्दी	कालिन्दी	स्त्रीलिङ्गः	कलिन्दस्येयम् ।	अण्	तद्धितः	ईकारान्तः
2	सूर्यतनया	सूर्यतनया	स्त्रीलिङ्गः	सूर्यस्य तनया ॥	तत्पुरुषः समासः	समासः	आकारान्तः
3	यमुना	यमुना	स्त्रीलिङ्गः	यच्छति ।	उनन्	उणादिः	आकारान्तः
4	शमनस्वसृ	शमनस्वसा	स्त्रीलिङ्गः	शमनस्य स्वसा ॥	तत्पुरुषः समासः	समासः	ऋकारान्तः
5	रेवा	रेवा	स्त्रीलिङ्गः	रेवते ।	अच्	कृत्	आकारान्तः
6	नर्मदा	नर्मदा	स्त्रीलिङ्गः	नर्म ददाति द्यति वा ।	कः	कृत्	आकारान्तः
7	सोमोद्भवा	सोमोद्भवा	स्त्रीलिङ्गः	सोमात्सोमवंशजात् पुरूरवस उद्भवति ।	अप्	कृत्	आकारान्तः
8	मेकलकन्यका	मेकलकन्यका	स्त्रीलिङ्गः	मेकलस्य ऋषेरद्रेर्वा कन्यका ॥	तत्पुरुषः समासः	समासः	आकारान्तः