अमरकोशः

श्लोकः

वह्नेर्द्वयोर्ज्वालकीलावर्चिर्हेतिः शिखा स्त्रियाम् । त्रिषु स्फुलिङ्गोऽग्निकणः संतापः संज्वरः समौ ॥ ५७ ॥

शब्दसङ्ख्या	प्रातिपदिकम्	प्रथमान्तःशब्दः	लिङ्गम्	व्युत्पत्तिः	प्रत्ययः/ समासनाम	वृत्तिः/शब्दप्रकारः	किमन्तः शब्दः
1	ज्वाल	ज्वाला	पुंलिङ्गः, स्त्रीलिंङ्गः	ज्वलति ।	ण	कृत्	अकारान्तः
2	कील	कीला	पुंलिङ्गः, स्त्रीलिंङ्गः	कीलति ।	क	कृत्	अकारान्तः
3	अर्चिस्	अर्चिः	स्त्रीलिङ्गः	अर्च्यते ।	इसि	उणादिः	सकारान्तः
4	हेति	हेतिः	स्त्रीलिङ्गः	हिनोति, हन्ति वा ।	क्तिन्	स्त्रीप्रत्ययः	इकारान्तः
5	शिखा	शिखा	स्त्रीलिङ्गः	शेते ।	ख	उणादिः	आकारान्तः
6	स्फुलिङ्ग	स्फुलिङ्गः	पुंलिङ्गः, स्त्रीलिंङ्गः, नपुंसकलिङ्गः	'स्फु’ इत्यनुकरणशब्दः । स्फुना फूत्कारेण लिङ्गति ।	तत्पुरुषः	समासः	अकारान्तः
7	अग्निकण	अग्निकणः	पुंलिङ्गः	अग्ने कण: ।	तत्पुरुषः	समासः	अकारान्तः
8	संताप	संतापः	पुंलिङ्गः	संतापयति ।	अच्	कृत्	अकारान्तः
9	संज्वर	संज्वरः	पुंलिङ्गः	संज्वरयति ।	अच्	कृत्	अकारान्तः