अमरकोशः

श्लोकः

लोहिताश्वो वायुसखः शिखावानाशुशुक्षणिः । हिरण्यरेता हुतभुग् दहनो हव्यवाहनः ॥ ५५ ॥

शब्दसङ्ख्या	प्रातिपदिकम्	प्रथमान्तःशब्दः	लिङ्गम्	व्युत्पत्तिः	प्रत्ययः/ समासनाम	वृत्तिः/शब्दप्रकारः	किमन्तः शब्दः
1	लोहिताश्व	लोहिताश्वः	पुंलिङ्गः	लोहिता अश्वा यस्य ।	बहुव्रीहिः	समासः	अकारान्तः
2	वायुसख	वायुसखः	पुंलिङ्गः	वायोः सखा ।	तत्पुरुषः	समासः	अकारान्तः
3	शिखावत्	शिखावान्	पुंलिङ्गः	शिखाः सन्त्यस्य ।	मतुप्	तद्धितः	तकारान्तः
4	आशुशुक्षणि	आशुशुक्षणिः	पुंलिङ्गः	आशोष्टुमिच्छति ।	सन्	सनाद्यन्तः	इकारान्तः
5	हिरण्यरेतस्	हिरण्यरेताः	पुंलिङ्गः	हिरण्यं रेतोऽस्य ।	बहुव्रीहिः	समासः	सकारान्तः
6	हुतभुज्	हुतभुग्	पुंलिङ्गः	हुतं भुङ्क्ते ।	तत्पुरुषः	समासः	जकारान्तः
7	दहन	दहनः	पुंलिङ्गः	दहति ।	ल्यु	कृत्	अकारान्तः
8	हव्यवाहन	हव्यवाहनः	पुंलिङ्गः	हव्यं वाहयति ।	तत्पुरुषः	समासः	अकारान्तः